Beume
(Door: E.M.B. Gorssel)
(Door: E.M.B. Gorssel)
Beume bunt
vrinde,
dat hej
nooit ewetten;
mor aj 't
ens evuuld hebt,
köj 't
nooit vegetten.
Aj deur 't
bos loopt,
dan köj ut
marken,
't is of ze
proaten könt,
zwakken en
starken.
Dan vetelt
ze ow wat,
-niet ieder
kan 't heurn,-
eur stemme
klinkt anders
as 't
mensluk gebeurn.
Soms wilt
ze ow troosten,
ze begriept
ow verdriet,
Mor vake,
dan lacht ze
en zingt ow
eur lied.
Bi'j zonne
of raegen,
bi'j storm
of bi'j wind,
ze laeft
met ow met,
blieft
altied ow vrind.
Dan vuul
i'j zo vake
dat
vebondene in àl,
't wondere
roadsel
van 't
laevend heelal.
In dierbare herinnering aan Ineke Bleumink, 1952 - 2018.